Cèilidh Sradagan Thiriodh

18mh Màrt 2008

Seo na thuirt Adhamh Mac a’ Ghobhainn, an neach-stiùiridh aig Sradagan Thiriodh. Tha a’ bhuidheann air tòiseachadh as ùr agus tha Adhamh san 6mh bliadhna anns an àrd-sgoil.

“Air an ochdamh latha den Gearran bha cèilidh againn ’s an Talla ann an Tiriodh airson airgead a thogail airson Sradagan Thiriodh. Air an oidhche, bha tòrr spòrs aig a h-uile duine a dannsa, a cluich geamannan agus bha ‘raffle’ ann cuideachd. Bha mi fhìn a cluich na fìdhle còmhla ri Sophie Isaacson air an giotàr is Iain Mac a’ Ghobhainn air am bogsa. Thog sinn mu £180 agus tha sinn gu math taingeil gun thàinig an uiread de dhaoine a-mach agus airson na duaisean a fhuair sinn bhuapa.”